ഹൈദരാബാദ്: ടിആര്‍എസ് നേതാവും നിയുക്ത തെലങ്കാന മുഖ്യമന്ത്രിയുമായ കെ ചന്ദ്രശേഖര്‍ റാവുവിന്റെ സത്യപ്രതിജ്ഞാ ചടങ്ങിലേക്ക് പ്രധാനമന്ത്രി നരേന്ദ്രമോദിയെ ക്ഷണിക്കുമെന്ന് ടിആര്‍എസ് നേതാക്കള്‍. ആന്ധ്രാ മുഖ്യമന്ത്രിയായി ജൂണ്‍ എട്ടിന് സ്ഥാനമേല്‍ക്കുന്ന ടിഡിപി നേതാവ് ചന്ദ്രബാബു നായിഡു ന്യൂഡല്‍ഹിയില്‍ മോദിയെ സന്ദര്‍ശിക്കുകയും അദ്ദേഹത്തെ തന്റെ സത്യപ്രതിജ്ഞാ ചടങ്ങിലേക്ക് ക്ഷണിക്കുകയും ചെയ്തിരുന്നു.
പ്രധാനമന്ത്രിയെ ടിആര്‍എസ് ക്ഷണിക്കാത്തത് ചര്‍ച്ചാവിഷയമായതിനെ തുടര്‍ന്നാണ് ഡല്‍ഹിയില്‍ മോദിയെ നേരിട്ട് കണ്ട് ക്ഷണിക്കുമെന്ന് വ്യക്തമാക്കി ടിആര്‍എസ് നേതാക്കള്‍ രംഗത്തെത്തിയത്. പോളാവരം ജലവൈദ്യുത പദ്ധതിയുടെ ഭാഗമായി തെലങ്കാനയുടെ ഭാഗമായ ഖമ്മം ജില്ലയുടെ ചില ഭാഗങ്ങള്‍ ആന്ധ്രയിലേക്ക് മാറ്റാനുള്ള കേന്ദ്രസര്‍ക്കാര്‍ ഓഡിനന്‍സിനെ ചന്ദ്രശേഖര്‍ റാവു ശക്തമായി എതിര്‍ത്തിരുന്നു.
No comments:
Post a Comment